Universiteti “Haxhi Zeka” pajiset me laboratorë për punë praktike dhe hulumtime shkencore
Sot, Rektori Prof.asoc. Dr. Fadil Millaku së bashku me prorektorët, dekanin e Fakultetit të Agrobiznesit, Prof.ass.Dr. Nexhdet Shala, si dhe stafin akademik, administrativ dhe studentët përuruan laboratorët e këtij fakulteti. Rektori Millaku, studentëve i`u drejtua me fjalë rasti, duke potencuar se pajisjet e vendosura në laboratorë janë moderne, në mënyrë që studentët e këtij Universiteti, të fitojnë njohuri jo vetëm në aspektin teorik, por edhe në atë praktik. Sipas Rektorit, studentët e Fakultetit të Agrobiznesit do të jenë konkurrent të fuqishëm, në tregun e punës jo vetëm në Kosovë por edhe në rajon.
Ndërsa, dekani Prof.ass.Dr. Nexhdet Shala, falënderoj menaxhmentin për përkrahjen e vazhdueshme dhe stafin e fakultetit për punën e tyre, studentëve u dëshirojë shumë suksese në jetën e tyre akademike.
Studentët e Fakultetit të Agrobiznesit të departamenteve: Agroekologji dhe Agromjedis, Teknologji Ushqimore, si dhe Teknologjia e Prodhimit Bimor, nga sot do të kenë mundësi që për çdo ushtrim të paraparë sipas syllabusëve, t`i ushtrojnë në mënyrë praktike në këto laboratorë, të cilat janë të pajisura me aparaturën më bashkëkohore në rajon.
Pajisjet laboratorike janë investim i Universitetit “ Haxhi Zeka” me kosto rreth 100.000 euro.